Portada Comunicación Iniciativa felicita al Teatru Prendes y a Carreño pol Salón del Teatru Costumista

Iniciativa felicita al Teatru Prendes y a Carreño pol Salón del Teatru Costumista

by redacción asturnews
Cartelu del Salón del teatru Costumista de Candás

Iniciativa pol Asturianu vieno acabaente felicitar al Teatru Prendes y al Conceyu de Carreño pol usu del asturianu nel Salón del Teatru Costumista, al afitar que “l’usu normal del idioma yá ta afitáu nesti alcuentru”, pero que “ye importante siguir trabayando na presencia del asturianu en diferentes campañes del conceyu”.

Iniciativa pol Asturianu aprovechó güei pa treslladar al Teatru Prendes y al Conceyu de Carreño l’agradecimientu de la organización pol usu del asturianu na cartelería del Salón del Teatru Costumista. Iván Llera, presidente d’Iniciativa pol Asturianu, remarcó que “ye una bona noticia ver la continuidá de la presencia del asturianu na campaña informativa del XXX Salón del Teatru Costumista asturianu que se va facer en Candás”.

El presidente de la organización recordó que “l’usu de la llingua asturiana na cartelería y folletos d’esti alcuentru ye un exemplu pa emplegar en más ámbitos del trabayu municipal. Ye importante siguir trabayando na presencia del asturianu en diferentes campañes del conceyu”.

Llera quixo tamién ampliar esi agradecimientu al Teatru Prendes y a tantes persones que trabayen por facer posible esti espardimientu del teatru n’asturianu. L’usu normal del idioma yá ta afitáu nesti alcuentru y queremos treslladar la nuesa felicitación por mantener durante tantos años la producción teatral n’asturianu”.

Tamién te podria gustar