Iniciativa entama un club de llectura

Iniciativa entama un club de llectura
12 mayu 09:23 2016 Imprimir
Iniciativa pol Asturianu entama los díes 16 y 30 d’esti mes de mayu, y con idea de continuidá, un Club de Llectura n’asturianu, col llibru “La vuelta al mundo n’ochenta díes” de Julio Verne (Torna de Xesús González Rato). L’oxetivu ye ameyorar los conocimientos d’asturianu asina como encamentar a los participantes a lleer llibros na nuesa llingua.

Esta actividá va tener llugar nel Pub Corner’s d’Uviéu ( Cai Xeneral Zuvillaga, 6) de magar les 20:00 hores y con un preciu de 20 euros, qu’inclúi asistencia los dos díes y una consumición nel chigre onde se celebra pa caúna de les xornaes.

Con esta propuesta, dende Iniciativa pol Asturianu quier averase a la lliteratura asturiana a espacios onde davezu nun suel tener presencia, buscando públicos nuevos que s’averen a les Lletres Asturianes y al propiu idioma.

  Categories:
Loading Facebook Comments ...