Iniciativa entama otra vuelta pa col grupu “Vamos falar” nel CMX

Iniciativa entama otra vuelta pa col grupu “Vamos falar” nel CMX
14 febreru 15:05 2018 Imprimir

Iniciativa pol Asturianu entama por segundu añu consecutivu’l grupu informal de conversación n’asturianu “Vamos falar” que se suma a los esistentes hasta agora n’otres llingües, y que va celebrase nel llar del del Conseyu de Mocedá de Xixón ya Iniciativa pol Asturianu.

Iniciativa pol Asturianu collabora col Conseyu la Mocedá de Xixón pa poner el segundu añu con un grupu de conversación n’asturianu, en vista del éxitu del primeru. Los Grupos Informales de Conversación son una iniciativa del Conseyu de Mocedá empobinada “a toles persones que quieren perder el mieu a falar n’otru idioma, o a cencielles practicar les sos conocencies nel propiu nun ambiente distendíu ya informal”. Los grupos nun son clases d’idioma, sinón espacios nos qu’echar la parpayuela y tán dinamizados polos nuesos equipos de voluntariáu.

La entrada ye llibre y de baldre, y nun se precisa apuntase enantes. Esti nuevu grupu, que se suma a los esistentes hasta agora n’otres llingües, va celebrase nel llar del CMX ya Iniciativa pol Asturianu, n’Avenida Manuel Llaneza, 68, baxu. 33208, en Xixón. El grupu va entamar el martes 20 de febereru, y va celebrase tolos martes de 19 a 20:30 hores.

Dende Iniciativa pol Asturianu animen a participar d’esti grupu y a perder el mieu a usar l’asturianu en tolos ámbitos. Una bona forma de faelo, sigún l’Asociación, “ye entamar nesti tipu d’ambientes desenfadaos onde los nuevos falantes van poder poner en práctica l’usu oral del idioma”.

Loading Facebook Comments ...