Iniciativa encamienta al Conceyu de Gozón que dexe d’incumplir la toponimia

Iniciativa encamienta al Conceyu de Gozón que dexe d’incumplir la toponimia
02 mayu 11:04 2019 Imprimir

Iniciativa pol Asturianu presenta una quexa al Conceyu de Gozón pol incumplimientu de la toponimia na nueva cartelería del Cabu Peñes. La organización reclama l’usu de la toponimia oficial que ta vixente dende la publicación nel BOPA del Decretu 72/2005.

Iniciativa pol Asturianu rexistró estos díes al Conceyu de Gozón una quexa pol incumplimientu de la toponimia oficial del conceyu na nueva cartelería del espaciu del Cabu Peñes presentada va unes selmanes poles autoridaes municipales.La organización denunció que non solo ye que l’asturianu nun apaezca nos nuevos cartelos, como habría ser lo normal, ye que, amás, incumple la llexislación vixente nel usu de los topónimos.

La organización reclama l’usu de la toponimia oficial que ta vixente dende 2005, añu nel que’l BOPA fixo pública la llista colos nuevos nomes de los llugares del conceyu. Iniciativa pol Asturianu aprovechó tamién pa reclamar una mayor presencia del idioma na vida municipal y pidió que se tenga en cuenta la toponimia oficial nos lletreros informativos de cara al futuru, reclamando que la cartelería seya correxida acordies cola normativa vixente

Loading Facebook Comments ...