ComunicaciónEducaciónSociedá Iniciativa convoca un Seminariu universitariu alrodiu de la Oficialida by redacción asturnews 15 de febreru, 2018 written by redacción asturnews 15 de febreru, 2018 65 El mes de marzu va entamar con un Seminariu Universitariu que se va desenvolver nel edificiu históricu de la Universidá d’Uviñéu y qu’acoyerá a espertos de toles árees amosando les rzones, consecuencies y ventayes de la Oficialidá dende distintes perspectives, tantu profesionales como académiques. Organizáu pola ONG Iniciativa pol Asturianu, el seminariu va tener, ente toles ponencies ya intervenciones, a un bon garapiellu d’espertos de prestixu internacional, reconocíos, y bien conocederes de la realidá asturiana y española. Ente ellos van tar l’escritor Xuan Bello, la investigadora Isabel Hevia o’l xurista y lletráu del Tribunal Constitucional José Manuel Pérez Fernández. Inaciu Galán, presidente d’Iniciativa pol Asturiana desplicaba esti miércoles nuna nota de prensa de la ONG que van cuntar “con una riestra de profesionales de luxu, queremos ufrir a la sociedá tola información sobre lo muncho positivo que tien la oficialidá en tolos ámbitos: sistema educativu, creación de riqueza y empléu, drechos y llibertaes, etc.”. El programa completu va dase a conocer la selmana que vien nuna rueda de prensa, pero dende la organización yá anuncien que va ser un seminariu que “va sirvir pa valtar munchos prexuicios y poner en circulación muncha información positiva que nun se te dando a los asturianos”. Galán recuerda que “pidir la oficialidá nun ye más que pidir que se cumpla la Constitución n’Asturies, hai un consensu social y políticu y ye’l momentu d’avanzar nesa dirección, buscando un mod llabor”. Cabe destacar que los actos va inauguralos el rector de la Universidá d’Uviéu, Santiago García Granda, que yá amosó nos meses pasaos l’apoyu de la Universidá a la oficialidá. Les xornaes que van ser el 2 y 3 de marzu van ser abiertes al públicu anque se recomienda inscribise. Quien quiera cuntar con un diploma de reconocmientu habrá facer un pagu de diez euros nel momentu de facer la inscripción, na páxina web d’Iniciativa pol Asturianu. Amás, como pieslle del seminariu, el sábadu 3 dende les 14:30 hores va haber una espicha na sidrería La Pumarada d’Uviéu (C/ Gascona, 8), a la que puede pueden apuntase los asistentes por 25 euros. Iniciativa pol AsturianuOficialidáUniversidáUniversidá d'Uviéu 0 FacebookTwitterPinterestEmail Anterior Facebook perdió un millón d’usuarios ya Instagram sumó más de trés siguiente El periodismu dixital llucha pol enfotu l’audiencia Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón