Iniciativa considera mui negativo los pasos atrás nel procesu normalización toponímica

Iniciativa considera mui negativo los pasos atrás nel procesu normalización toponímica
03 xunu 15:19 2020 Imprimir

Iniciativa pol Asturianu considera mui negativo que se dean pasos atrás nel procesu de normalización de la toponimia, como l’acabante rexistrase en conceyu Valdés, onde’l casu de L.luarca “demuestra que nun se tan faciendo les coses bien pa la normalizar la toponimia”.

Iniciativa pol Asturianu refuga posibles cambeos na toponimia oficial de Valdés. El presidente de la organización, Iván Llera, afirmó que ye “mui negativo” que se dean pasos atrás nel procesu de normalización de la toponimia. “Esta decisión ye un precedente mui negativu pa tol trabayu fechu hasta agora en materia de política llingüística, de recuperación y de normalización de los topónimos tradicionales”.

Llera apuntó que “el Gobiernu d’Asturies, que tien la máxima responsabilidá y competencies como recueye la Llei d’Usu nesti asuntu, tien qu’evitar esti tipu de midíes que suponen un precedente mui negativu que va contra l’espíritu de la propia Llei. La voluntá que recueye la Llei d’Usu ye la de recuperar la toponimia tradicional, nun escaecela y facer normal los nomes tradicionales de los pueblos”.

El voceru dixo tamién que “esta decisión supón un mal y grave precedente y pidimos reflexón a la Conseyería y a la Dirección Xeneral de Política Llingüística. El casu de L.luarca ye un exemplu pa demostrar que nun se tan faciendo les coses bien pa la normalizar la toponimia y ye necesario facer una valoración d’esi trabayu”.

P’acabar, Iván Llera apuntó que “ye sorprendente qu’esta midía de Política Llingüística, que ye la primera novedá respectu al Gobiernu anterior, seya precisamente un pasu atrás”.

Loading Facebook Comments ...