Iniciativa anuncia l’entamu de los cursos presenciales y a distancia pa esta seronda-iviernu

Iniciativa pol Asturianu tien abiertu’l plazu hasta’l domingu 16 d’ochobre p’apuntase a los cursos d’asturianu presenciales y a distancia entamaos en collaboración cola Academia de la Llingua Asturiana y otres entidaes en Xixón, Uviéu, Avilés, Parres, L.lena, Llangréu, Mieres y Villaviciosa.

Los cursos van entamar a partir del llunes 17 d’ochobre, cuntando con 36 hores llectives cada nivel. La información de los llugares y horarios de los cursos pue consultase na web d’Iniciativa pol Asturianu, dende la que se fai tamién la matrícula.

Toles persones que superen los cursos d’asturianu van recibir un diploma de l’Academia de la Llingua Asturiana, entidá reconocida pola Conseyería d’Educación pa la formación del profesoráu.

Les inscripciones pueden facese na páxina web www.iniciativapolasturianu.org y pue pidise más información nel corréu de la organización o nel teléfonu 615 982 816, al traviés de Telegram o Whatsapp.