Portada Comunicación Iniciativa abre’l plazu inscripción pal II Seminariu sobro la Oficialidá

Iniciativa abre’l plazu inscripción pal II Seminariu sobro la Oficialidá

by redacción asturnews

L’asociación de defensa del idioma Iniciativa pol Asturianu vieno acabante de facer anuncia de l’apertura del plazu d’inscripción pal II Seminariu: Oficialidá, el camín consitucional de futuru pal asturianu “Reflexones y casos d’ésitu”, que va celebrase el 17 y el 18 de mayu na Universidá d’Uviéu.

Magar aseguren na so web qu’entá nun puen cuntar tolos detalles del programa, que diran dando a conocer nes vinientes selmanes, yá puen inscribise los interesaos nesti II Seminariu: Oficialidá, el camín consitucional de futuru pal asturianu “Reflexones y casos d’ésitu”, que va celebrase los vinientes díes vienres 17 de mayu, de 16 a 20,30 hores y sábadu 18 de mayu, de 10 a 14,15 hores nel Edificiu Hestóricu de la Universidá d’Uviéu, con espicha posterior a les 14,30, n’El Ferroviario Chigre-Espicheru.

El II Seminariu, que va inaugurar el Rector de la Universidá d’Uviéu, Santiago García Granda, va cuntar con conferencies y meses redondes dedicaes a la oficialidá dende distintos puntos de vista y va rematar con una semeya colectiva pola oficialidá nel patiu del Edficiu Hestóricu con tolos participantes. Ente los temes que van tocase: l’usu del asturianu nel ámbitu empresarial, la esperiencia de los servicios de normalización llingüística o l’ámbitu sindical, ente otros

Tamién te podria gustar