Iniciativa abre la votación pa escoyer la meyor noticia de 2017

Iniciativa abre la votación pa escoyer la meyor noticia de 2017
04 xineru 13:37 2018 Imprimir

Iniciativa pol Asturianu vieno acabante abrir la votación popular pa escoyer la Meyor noticia del añu pal asturianu poniendo en marcha esta esperiencia per quintu añu consecutivu.

Hasta’l 15 de xineru pue votase pa escoyer la “Meyor noticia del añu pal asturianu” de 2017. Esta votación que vien entamando dende l’añu 2013 Iniciativa pol Asturianu tien por oxetivu conocer les noticies del añu que los internautes consideren meyores pal futuru de la llingua asturiana. El llistáu fízose teniendo en cuenta les propuestes de los asociaos y asociaes d’Iniciativa pol Asturianu. La iniciativa busca reflexonar sobre los pasos alantre daos na situación del asturianu nel añu caberu.

Pa la votación escoyéronse nesta ocasión dieciséis noticies de tolos ámbitos de la vida social, cultural y política d’Asturies, con un noyu común, ser noticies positives pal asturianu que se dieron nel añu 2017.  El resultáu de la votación popular va desvelase’l nos medios de comunicación a partir de la seguna metá del mes de xineru y pue votase hasta cinco candidatos na páxina web d’Iniciativa pol Asturianu. L’enllaz directu pa la votación ye’l que vien darréu:

https://docs.google.com/forms/d/e/1FAIpQLSeSY7wvN5X6L0gkVv9TJZ4I_4n4SzWVbw8sLXd4u_wYP q6X4A/viewform

En 2013 l’ésitu de ventes de los cómics d’Asterix n’asturianu foi la escoyida pol públicu; en 2014 “Los bolechas”, programa infantil na nuesa llingua emitíu en TPA y en 2015, l’anuncia d’un plan pilotu pa introducir l’asturianu como llingua vehicular na enseñanza.

 

  Categories:
Loading Facebook Comments ...