Infraestructures destina cien mil euros al pavimentu na redolada la Catedral

Infraestructures destina cien mil euros al pavimentu na redolada la Catedral
22 agostu 08:54 2018 Imprimir

La Xunta de Gobiernu del Conceyu d’Uviéu aprobó la selmana pasada la contratación del arreglu pavimentos na plaza Alfonso II El Castu y la so redolada, por aciu procedimientu abiertu simplificáu, con dellos criterios de valoración y trámite ordinariu, con un presupuestu máximu de 99.996,65€ (IVA incluyíu)’. El plazu d’execución va ser de dos meses.

La redolada de la Catedral d’Uviéu presenta un pavimentu qu’apura anovar, con amplies zones nes que les lloses de piedra tán rotes enzancando’l tránsitu piatonal. Les obres previstes nel proyectu entienden los siguientes trabayos:

Sustitución del pavimentu en mala traza.
Abujardado d’amplies zones que tomen non solo les piedres sustituyíes, sinón tamién partes esistentes col fin de uniformizar l’arreglu cola pavimentación esistente, Fixación
de les piedres sueltes o rotes asitiaes na zona central de la plaza.

Les sustituciones de pavimentu plantegaes son de dos tipos, dependiendo de si l’actuación cinxe namái al llevantáu del pavimentu esistente o si tamién hai que baltar la llosa de formigón sobro la que sofita’l pavimentu. En palabres d’Ana Rivas, “tratar d’una actuación necesaria que’l so oxetivu ye ameyorar les partes más deterioraes d’esta plaza tan emblemática n’Uviéu”.

  Categories: