Infogijón certifícase como espaciu seguru frente a la covid-19

Infogijón consiguió’l sellu calidable Safe Tourism Certified, que lo acredita como espaciu seguru énte la Covid-19.  L’Institutu pa la Calidá Turística Española (ICTE) llanzó esti sellu coles mires d’ufiertar a les empreses y recursos públicos turísticos xuna ferramienta pa garantizar el cumplimientu de les midíes hixénicu-sanitaries.

El sellu llógrase dempués de superar una refecha auditoría que garantiza que la oficina d’información turística Infogijón enllantó de forma rigorosa les midíes hixénicu-sanitaries de prevención de riesgos frente a la Covid-19 destinaes a la protección de les persones.

Estes midíes dexen identificar, analizar y embrivir los riesgos, según implementar les meyores práctiques contra la Covid-19 pa la seguridá de les persones visitantes y trabayadores nes sos instalaciones y servicios complementarios.

Infogijón cumple con tolos requerimientos de serviciu nel ámbitu del caltenimientu, llimpieza, desinfección y protección de les persones, según los mesmos establecíos pol ICTE pa la xestión del riesgu d’andada.