| Pablo Texón consiguió l’accésit por “(Solo) un besu” nesta edición
Redacción
El miércoles aconceyó’l xuráu del XVIII Premiu del concursu de Cuentos Curtios El Garrapiellu pa fallar los gallardonaos d’esta edición. Dempués d’aldericar en Xixón, llegóse al alcuerdu de declarar ganador de los 900 euros del primer premiu al rellatu “Lentu”, que resultó ser de José Luís Rendueles. El xuráu decidió, amás, dar un accésit de 300 euros al rellatu “(Solo) un besu”, de Pablo Texón Castañón.
El xuráu d’esta XVIII edición taba formáu pol académicu de la llingua Vicente García Oliva, pola escritora y maestra Iris Díaz Trancho, pol organizador escritor Humberto Gonzali, pol anterior ganador d’esti premiu Pablo Rodríguez Mediana y pol maestru y direutor del programa de la RPA Nomes d’Asturies, Chechu García.
|
