Un momentu de l'actuación de González

El representante asturianu nel festival consideráu l’“Eurovisión de les llingües minoritazaes” defendió’l so cantar “La nada y tu”, con lletra del poeta Antón García, ensin ser quien a meyorar la posición d’Asturies. Y ye que’l bon papel de Dixebra, que quedó l’añu pasáu en segundu puestu, facía mui difícil superar el resultáu. 40 puntos consiguió’l cantautor de Turón nun festival nel que trunfaron el grupu sami “Somby”, de Finlandia y los sardos “Dr. Drer en crc Posse”, que consiguieron el premiu del públicu.

El Teatru De Harmonie de Leeuwarden, la capital de Frisia (Países Baxos) acoyó la gala na qu’Alfredo González participó en primer llugar, cuntando col sofitu de la delegacióna asturiana, formada pola Director Xeneral de Política Llingüística, Consuelo Vega, periodistes y siguidores de la música asturiana.

Alfredo González nel Liet Internacional

Esta yera la segunda participación d’Asturies nel festival Liet Internacional, que lleva en funcionamientu dende 2002, siendo heriede del Liet-Lavlut. Nesta ocasión participaron once artistes y grupos, que recibieron el veredictu d’un xuráu con representantes de cada llingua, siendo l’asturianu, Lisardo Lombardía.

Más información: Actuación d'Alfredo González grabada por un aficionáu