Asturnews Curso de community manager
 

22/01/2013
La Universidá Popular de Xixón inclúi 150 cursos na so ufierta
 

Más de 20 cursos nuevos tán na programación d’esta temporada

Redacción

La Universidá Popular de Xixón cunta con una ufierta de 150 cursos en tolos barrios de la ciudá. Ufiértense 2.218 places y los cursos van entamar a partir del 13 de febreru. La matrícula podrá facese dende’l 23 de xineru. Ente les novedaes destaquen los cursos de cocina que respuenden a distintos intereses, dende Cocina de fiambrera pa quien comen fuera de casa, a cómo cocinar verdures de múltiples maneres. Repostería fría pa les persones llambiones y p’aquelles que yá tienen conocencies y seyan amigues de la cocina de nueva espresión, cocina avanzada en miniatura y asina una montonera más.

Dientro de la importante ufierta nel campu de la fotografía destaca la programación d'un cursu de composición fotográfica, otru de la lluz en fotografía y el de fotografía urbana.

Tamién recuperen el cursu de Baille tradicional asturianu que se va desenvolver nel taller de danza del Centru de Cultura Antiguu Institutu, amás de la ufierta de dos cursos d’asturianu, unu básicu y otru mediu, nel Vieyu Institutu y nel Centru Municipal de L’Arena.

Más información: Información completa de los cursos

Compártilu

 
Otres Noticies
Mundu
Entrevista de la selmana
Sociedá
Educación
Música
Cine
Escéniques
Lliteratura
Conceyos
Plástiques
Política
Comunicación
Tecnoloxía
Fiestes
Mocedá
Hestoria
Cola ayuda de la Conseyería d´Educación, Cultura y Deporte del Principáu d´Asturies
© 2004 ASTURNEWS.com -
  |  Publicidá  |  Condiciones d'Usu  |  Información d'Empresa  |  Contacte con nós   |  RSS