Asturnews
 
Buscador:  . 

Iniciativa pol Asturianu pide tener en cuenta'l tratamientu que dan los partíos a la llingua asturiana a la hora de votar

Iniciativa pol Asturianu vieno acabante asoleyar un gráficu informativu cola postura que lleven los partíos nel programa electoral alredor de la oficialidá del asturianu col que piden a los votantes que tengan bien en cuenta lo que dicen nesos programes los partíos a la hora de votar. Nel gráficu apaez la postura positiva o negativa que lleven les que fueron les principales fuercies polítiques nes últimes convocatories electorales.

AsturFlash Siguenos en Twitter
Andecha Astur valida por fin les papeletes n'asturianu pero nun llogra que se repartan nos colexos electorales

Andecha Astur validó por fin les papeletes n'asturianu y ye la única organización política que cuntará con papeletes en llingua asturiana depués de lluchar por algamalo a lo llargo de les últimes convocatories electorales y viendo siempres como se-y torgaba esti derechu pola Xunta Electoral. Na opinión d'esti partíu, "con ser un ésitu consiguir esta validación pola Xunta Elleutoral Provincial d’Asturies, a Andecha Astur nun-y queda sinon que denunciar qu’esta mesma Xunta Elleutoral non solo nun saca papeletes n’asturianu del conxuntu les organizaciones polítiques que se presenten a les elleiciones, sinon que prohibe espresamente qu’estes papeletes puedan ufrise nos Colexos Elleutorales.

La Pita de la Xunta persigue otra vuelta al Presidente

Paez que'l tiempu nun pasa n'Asturies y que la Presidencia del Principáu ye la mesma por mucho que pasen los años o polo menos yelo la reclamación d'un derechu básicu reconocíu pola Constitución que siguen ensin cumplise n'Asturies: la oficialidá de les llingües propies de los territorios autónomos. Por eso, la Pita de la Xunta tuvo que tornar a facer aparición nos actos políticos del Presidente del Principáu. Agora nun ye Vicente Álvarez Areces el que pon cara de circunstancies, ye Javier Fernández, pero paez que nada nun cambiara. Esti miércoles 20 de mayu, la Pita de la Xunta Moza volvió a les cais d'Asturies pa face-y saber a Javier Fernández que "El PSOE marxina y reprime la llingua asturiana".

L'asturianismu llamenta la muerte del escritor Xaviel Vilareyo

Esti martes 19 a los 48 años morría de forma prematura Xaviel Vilareyo y Villamil, profesor y escritor n'asturianu y gallego-asturianu, activista cultural y promotor d'iniciatives tan granibles como'l Festival de Cine Asturianu, Conceyos d'escritores y delles otres actividaes que caltuvo a lo llargo de munchos años. Ñacíu en Mieres del Camín en 1967 foi un activu escritor y activista cultural, poniendo en marcha numberoses iniciatives siempres comprometíes col usu del asturianu. Iniciativa pol Asturianu daba conocer esti día la noticia al tiempu que llamentaba fondamente'l sucesu.

SUATEA pide paralizar la LOMCE tres del cese de Wert
Depués d’un cursu demandando’l so cese, col refugu de tolos sectores de la educación lo facíen énte imposiciones como la xuba de tases universitaries, el recorte de beques o’l llamáu 3+2, SUATEA camienta que les aiciones sindicales dieron frutu criando una crisis política nel PP a pocu tiempu de les elecciones xenerales. y por mor d'ello, darréu del cese de Wert piden que se paralice la LOMCE.
#LaAsturiesdelSÍ y la del SÍ pero...: La oficialidá nes elecciones

Izquierda Xunida ye la única formación con representación anguaño na Xunta Xeneral que nun sólo fai apueste nidiu pola oficialidá sinon que presenta so programa electoral en llingua asturiana, como vieno faciendo dende hai tiempu. Andecha Astur, vieno faciéndolo dende la primera vegada que se presentara a les elecciones y Foro fai apueste pola oficialidá anque cola matización de que s'algame pa ello un consensu abondu. El casu más enguedeyáu ye'l de Podemos que tien nel so programa la oficialidá como derechu fundamental, pero nes declaraciones públiques de los sos dirixentes nun cuenta lo mesmo que nel so programa electoral y dexa abierta la puerte a la especulación.

La XDLA reclama presencia del asturianu na RTPA menos anecdótica y más aiciones como la Selmana de les Lletres

A pesar de los pasos alantre daos na Selmana de les Lletres, l'usu del asturianu na RTPA vuelve ser "una anécdota y ye grave sobre manera la inexistencia de programación infantil nel nuestru idioma" pala Xunta Pola Defensa de la Llingua Asturiana que vieno acabante d'entrugase nuna nota de prensa asoleyada esti día qué va pasar agora. RTPA y Llingua Asturiana: ¿Agora qué? ye'l títulu del documentu onde la XDLA reclama que se pase de les anécdotes a una programación seria.

Si yo viviera n'Asturies...

IX vieno acabante de llanzar una campaña de sofitu a so candidatu nes redes sociales con xente pernomao sofitando a Llamazares como Mendicutti, Barden, Martínez, Margallo, Aranguren, Ana, Gorriz y Miguel Ríos. “Si yo viviera n'Asturies votaría a Llamazares” ye'l títulu d'un pequenu video nel que piden el votu pal candidatu d'IX a la presidencia d'Asturies escritores, actores, múiscos y cantantes

La UABRA abre plazu d'inscripción pa los cursos de branu que van desenvolvese en Cangas del 3 al 14 d'agostu
Como cada añu,l'cademia de la LLingua Asturiana organiza en collaboración cola Universidá d'Uviéu los cursos de la Universidá Asturiana de Branu (UABRA) que se celebren en Cangas del 3 al 14 d'agostu. Esti añu hai convocaos, amás de los cursos elemental y avanzáu, el de gallego-asturianu, el cursu de capacitación pala traducción, unu d'averamientu al cine, otru de Xestión curltural y otru más sobre l'emplegu didáuticu d'Internet nes aules.
Avanza n'Europa la declaración "Protection and Promotion of Regional and Minority Languages in the EU".
Josu Iñarritu, l'eurodiputáu de Los Pueblos Deciden apautóse col documentu que comu diz el so nome, gueta la Proteición y Promoción de les Llingues minoritares na Xunión Europea. Trátase d'un documentu especialmente interesante p'Asturies 2dao la situación de represión llingüística que carecemos y que caltién a la nuesa llingua nuna situación prósima al esaniciu" sigún asoleyaba ayeri nuna nota de prensa Andecha Astur, que forma parte de la coalición.
L'ALLA convoca la preba de conocencia de mayu
Como davezu al averase'l branu de cada añu, esti 30 de mayu de 2015, l'Academia de la Llingua Asturiana va facer la segunda de les pruebes semestrales de conocencia de la llingua pa tolos interesaos n'amosar esa conocencia y poder acreditalo. El plazu de matrícula ye del 18 al 28 de mayu y l'horariu de matrícula va ser esos díes los llunes a xueves de 9 a 15 hores y de 16 a 19 y los vienres de 9 a 14.
La reivindicación de la #Oficialidá algamó 1.600.000 impresiones en Twitter sigún un seguimientu d'Iniciativa

El pasáu vienres 9 de mayu la sociedá asturiana salió a la cai por mor del Día de les Lletres Asturianes pa reclamar la oficialidá del asturianu y les redes sociales sofitaron esa xornada col hashtag #Oficialidá que sigún un estudiu de l'asociación Iniciativa pol Asturianu algamó más de 1.600.000 impresiones en Twitter, amosando la vitalidá de la reclamación llingüística n'Asturies. La reivindicación de la oficialidá del asturianu vien siendo unu de los temes centrales nesta campaña a les elecciones autonómiques.

La Xunta Elleutoral d'Uviéu obliga al PP a lliberar los espacios que-y quitare illegalmente a Andecha Astur
La Xunta Elleutoral de Zona d'Uviéu vieno acabante riquirir esti día la inmediata retirada de la publicidá elleutoral del PP nos 14 espacios de la Plaza Cuatro Caños, baxo apercibimientu de multa. Dase la circustancia de que la denuncia foi interpuesta pol PP escontra Andecha Astur, al decatáse que tres acupar los espacios que tenía concedíos la formación nacionalista, procedióse a colocar la propaganda elleutoral d'Andecha perriba de la del PP.
"Aire quintetu" actúa'l sábadu 23 na Escuela del Llacín

El próximu sábadu 23 de mayu a les 20 hores va tener llugar na Escuela Municipal de Música Tradicional de Llanes un Conciertu del Grupu AIRE QUINTETU, dientru de los ciclos de Folk de Cámara 2015 entamaos nesa Escuela Municipal de Música tradicional, que tres el exito del pasáu añu continúen con importantes músicos y grupos del folk y de la música tradicional asturiana ya internacional. Esta formación so la dirección del Maestru Jacobo de Miguel afonda na tradición asturiana dende la perspectiva de cantares y melodias instrumentales d'acordión diatónicu, dotándoles d'una harmonía actual , que-y da un nuevu sabor con ciertu calter improvisatoriu.


El Tiempu

Uviéu

Xixón

Avilés

Política
El Puertu del Musel aporta a la campaña
Lliteratura
Milio Rodríguez Cueto presentó’l so llibru en Blimea
Sociedá
Denuncies feministes contra Moriyón
Conceyos
Xunta del Conseyu Asesor de la LLingua de Xixón
Lliteratura
Presentaciones de llibros
Política
Llamazares pide remover torgues al votu esterior
Política
Jon Iñarritu visita Asturies
Educación
Mezá imparte un curso de gallego-asturiano
Sociedá
"Semar palabres, texer futuru"
Educación
Siguimientu mayoritariu na Universidá
Escéniques
Alderique sobre'l Teatru en L'Entregu
Escéniques
Nuevu espaciu escénicu en Blimea
Hestoria
Puertes abiertes nel Archivu Hestóricu
Sociedá
García Arias repasa 40 años
Patrimoniu
La expo "La Puerta a Oriente" viaxa a Avilés
Sociedá
La XDLA critica a los queseros
 

Ver Resultaos
 

Xune
UN PASU ALANTRE
Varios comentarios.
Xuan Pandiella
Inútiles, ineptos ya incapaces
Varios comentarios.
Xuan Pandiella
Arrequexando al asturianu
Varios comentarios.
Inaciu Galán y González
El tíu Antonín
Varios comentarios.


 
   
RSS Coloca los principales titulares d'Asturnews, gratis, na to web
más información ··>
Recibe les nueses propuestes
Toles cites culturales d'Asturies, gratis nel to corréu
dase d'alta··>
Recibe les nueses noticies
Toles noticies d'Asturies, gratis nel to corréu
dase d'alta··>
   


Crucigrama | Sopa de Lletres | Pallabres Revueltes | L'Aforcáu
 

   

08/05/2015
Manifestación pola Oficialidá
11/12/2014
Esposición sobre la toponimia de Samartín del Rei Aurelio
10/10/2014
Concursos ALLA 2014
06/10/2014
El Día la Reciella
08/08/2014
Dixebra actuando nel Festival de Lorient 2014
07/08/2014
La Banda de Gaites Camín de Fierro enllena l’Espace Marine del Festival de Lorient de sones asturianos
04/08/2014
La Grande Parade de 2014 en Lorient
03/08/2014
McCrimmon 2014
18/07/2014
Esposición colectiva: "La sutil decadencia" nel Centru municipal d'arte y esposiciones d'Avilés (CMAE)
20/02/2014
Presentación Manifiestu ´´Cinco puntos por unos medios públicos al serviciu d´Asturies´´
 

Otres Noticies
Mundu
Entrevista de la selmana
Sociedá
Educación
Música
Cine
Escéniques
Lliteratura
Conceyos
Plástiques
Política
Comunicación
Tecnoloxía
Fiestes
Mocedá
Hestoria
Cola ayuda de la Conseyería d´Educación, Cultura y Deporte del Principáu d´Asturies
© 2004 ASTURNEWS.com -
  |  Publicidá  |  Condiciones d'Usu  |  Información d'Empresa  |  Contacte con nós   |  RSS