Inaugurada en Trascorrales l’amuesa ‘La Barbería. Hestoria d’un oficiu’

by redacción asturnews | junio 7, 2016 1:17 pm

L’alcalde d’Uviéu, Wenceslao López, inauguró esti llunes pela mañana la esposición ‘La Barbería. Hestoria d’un oficiu’ sobre’l psicoestéta Ramiro. El primer conceyal tuvo acompañáu demientres el percorríu pola amuesa pol conceyal de Cultura, Roberto Sánchez Ramos, el director artísticu de la esposición, Luis Antonio Suárez y el mesmu Ramiro Fernández.

Sánchez Ramos  allabó’l trabayu realizáu por Luis Antonio Suárez y destacó qu’esta esposición homenaxa a unu de los oficios “más cercanos a toos nós”, les peluqueríes “llugares d’alcuentru en tolos pueblos d’España”. El conceyal estimó a Ramiro la so arrogancia al dexar que tolos asturianos puedan esfrutar de la so estensa colección d’artiluxos de Peluquería, obres d’arte y hasta camisetes de los futbolistes más famosos y sorrayó l’enfotu de Ramiro por dignificar l’oficiu del peluqueru.

Luis Antonio Suárez, pela so parte, esplicó que la esposición ta estremada en dos sectores: unu etnográficu museísticu nel que s’amuesa una colección d’oxetos de barbería y peluquería dende’l sieglu XVII y la parte psicoestética “que ye la evolución de toos estos oxetos y el trabayu de Ramiro por emponer y convertilos n’obra d’arte, una y bones un peluqueru ye un escultor que fai obres d’arte efímeru”. A lo último, Ramiro reconoció sentise “inmensamente emocionáu y estimosu” por consiguir presentar la so colección a los uvieinos y a los asturianos. A lo último, dedicó l’amuesa a los sos compañeros d’oficiu.

Source URL: http://asturnews.com/inaugurada-en-trascorrales-lamuesa-la-barberia-hestoria-dun-oficiu/