Portada Escéniques Inaciu Galán ya Isaac de l’Arada ganen el Pepe Campo de monólogu, otorgáu polos Humanitarios de Samartín

Inaciu Galán ya Isaac de l’Arada ganen el Pepe Campo de monólogu, otorgáu polos Humanitarios de Samartín

by asturnet

Inaciu Galán ya Isaac de l’Arada recoyeron el premiu pol monólogu Asturianos al volante… esti sábadu nun actu nel colexu de Morea (Ayer), nel que se punxo de manifiestu’l remocicar d’esti xéneru humorísticu.

El monólogu premiáu puo sentise nel Segundu Certame de Monólogu Modernu n’Asturianu organizáu pola asociación H.A XAREOS que se celebró’l sábadu 28 d’ochobre na Sala Albéniz de Xixón. Esti festival, que busca que’l monólogu asturianu siga siendo un referente na vida cultural de los asturianos, y que siga siéndolo n’asturianu, con unes formes y una temática renovaes, tuvo presentáu precisamente por Inaciu Galán y González, cuntando coles actuaciones de Cellero, Lluis Antón González, Benxa Pérez y l’estrenu de Delitu Rural y otros alumnos de la escuela Cellero.

Tamién te podria gustar