Sociedá iN 2018 va abrir a la sociedá’l mundu del diseñu d’interiores by redacción asturnews 21 de marzu, 2018 written by redacción asturnews 21 de marzu, 2018 61 La vicealcaldesa, Ana Taboada, presentó esti llunes les xornaes qu’entama la Escuela d’Artes d’Uviéu y que se van celebrar los díes 21, 22 y 23 de marzu en distintos puntos de la ciudá p’abrir a la sociedá’l mundu del diseñu d’interiores. La vicealcaldesa, Ana Taboada, presentó esti llunes les xornaes de diseñu d’interiores qu’entama la Escuela d’Arte d’Uviéu per sestu añu consecutivu y que van tener llugar los díes 21, 22 y 23 de marzu en distintos puntos de la ciudá pa visibilizar ésti sector como parte de la cultura y la vida cotidiana. Según remarcó la vicealcaldesa, “col nuesu sofitu queremos dar a conocer el futuru profesional d’esti tipu de formación a tola sociedá, especialmente los mozos”. Al pie de Taboada, el director de la Escuela, Rubén Noval y el director de les xornaes, Santiago Martínez, presentaron la programación, que per primer vegada, “abresea la ciudá”, y qu’inclúi conferencies, talleres, alcuentros y esposiciones. L’actividá va entamar esti miércoles, 21 de marzu, a les 12 hores nel salón d’actos de la Escuela d’Arte (asitiáu na cai Julián Clavería, 12), cola conferencia “El diseñu de la ciudá doméstica” a cargu del arquiteutu Javier Peña. Pela tarde, a les 18:00 hores, va celebrase un taller-visita al espaciu de trabayu d’unu de los interioristas de referencia d’Asturies y exalumno de la Escuela, Miguel Pando. El xueves, va desenvolvese’l taller Envolventes xenétiques” a cargu del llaboratoriu d’arquitectura y diseñu audiovisual Volumínica. A les 20:00 hores, el colexu d’arquiteutos d’Asturies va acoyer la conferencia “De puertes p’adientro” del arquiteutu Andrés Diego Llaca. El vienres, l’actividá va empezar a les 10 hores, na Escuela d’Arte, onde la cooperativa trabayu “Domo Esperiencia” va impartir un taller de construcción “Domos Xeodésicos”. A les 19:00 hores, va inaugurar na biblioteca Ramón Pérez de Ayala la esposición “DesdeDentro” comisariada pol Colexu Oficial de Diseñadores d’Interior/Decoradores d’Asturies y que podrá visitase hasta’l 9 d’abril. . Nesi mesmu escenariu va empezar a les 19:45 hores, la conferencia “¿Qué ye lo que fai a los nuesos llares actuales tan suxerentes, tan curiosos?” al cargu de la historiadora d’Arte, Ana Fernández. iN 2018 cuenta cola collaboración del Conceyu d’Uviéu, la Universidá d’Uviéu, el Colexu Oficial d’Arquiteutos, el Colexu Oficial de Decoradores d’Interiores, la Fundación Banco Sabadell, Miguel Pando y El Uvieín. 0 FacebookTwitterPinterestEmail Anterior El mundu del títere concéntrase énte les puertes del Teatru Xovellanos siguiente El Conceyu d’Avilés va escoyer a la PYME más innovadora d’Avilés Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...