Portada Plástiques III Amuesa d’Obres d’Arte del Conceyu Abiertu pola Oficialidá

III Amuesa d’Obres d’Arte del Conceyu Abiertu pola Oficialidá

by asturnet

L’Auditoriu d’Uviéu acoyerá la III Amuesa d’Obres d’Arte pola Oficialidá. El prósimu miércoles 28 de febreru la sala d’amueses del edificiu uvieín recibirá les obres de 99 artistes. L’amuesa organizada pol Conceyu Abiertu pola Oficialidá llega a Uviéu depués de la perbona acoyida algamada n’Avilés y Xixón.
El miércoles 28 de febreru a partir de les 19.00 hores la sala d’esposiciones del Auditoriu Príncipe Felipe va a abrir les sos puertes a la III Amuesa d’Obres d’Arte pola Oficialidá.
La iniciativa que tien por finxu amuesar les obres de los artistes asturianos, y algamar fondos pa les actividaes que vien desenvolviendo’l Conceyu Abiertu pola Oficialidá, vien sumando apoyos ente esti colectivu. Asina si na primer Amuesa, fecha n’Avilés el mes de mayu de 2006, 55 artistes cedieron les sos obres pa la causa del CAO na segunda fadríen lo mesmo 77 y pa esta tercera 99 artistes van ceder les sos obres al Conceyu Abiertu pola Oficialidá.

Tamién te podria gustar