Igualdá retoma los talleres na Casa d’Alcuentros de les Muyeres d’Avilés

Esti mes de septiembre van retomase, coles midíes de seguridá fayadices, dos talleres dirixíos a la muyer que promueve la Conceyalía d’Igualdá d’Avilés y que fueron suspendíos pola declaración del estáu d’alarma énte la pandemia del COVID 19. van desenvolvese na aula de la Casa d’Alcuentru de les Muyeres, asitiada nel Edificiu Fueru.

El taller “Stop a los pensamientos tóxicos” va facese los díes 1, 3 y 10 de setiembre de 17 a 19 hores. Encétense temes sobro la relación ente pensamientos y emociones, creencies irracionales, focalización no negativo, analises de distintos tipos de pensamientos, aprendizaxe d’estratexes énte pensamientos catastrofistas.

El taller “Espaciu de muyer, desenvolviendo l’autoestima” mientres los díes 1, 3 y 14 de setiembre de 17 a 19 hores. Desenvuélvense conteníos de valoración personal, la importancia de curiase xuna mesma, el desenvolvimientu personal y la crecedera pa ocupar el llugar que caúna quier.

La principal premisa pa la so realización ye la seguridá frente al coronavirus, pa lo cual van estremase los precuros. Va Ser obligatoriu l’usu de xel hidroalcohólico al aportar a l’aula, y dientro, l’usu de mázcaru. Tamién se va garantizar la distancia de seguridá interpersonal, de siquier 1,5 metros.

La Casa d’Alcuentru volvió a entamar, coles mesmes, l’atención presencial a les muyeres con cita previa, al traviés del teléfonu 985 527 546 o la dirección de corréu electrónicu igualdadaviles.es.

El restu d’actividaes que se programen van realizase, como davezu, na casa d’Alcuentru de les Muyeres d’Avilés, a partir del 9 de setiembre. L’atención presencial va ser con cita previa na Casa d’Alcuentru de les Muyeres, nel teléfonu 985 52 75 46 o al traviés del corréu electrónicu igualdad@aviles.es.