Igualdá entama visites pa muyeres a les distintes esposiciones artístiques n’Avilés

Igualdá entama visites pa muyeres a les distintes esposiciones artístiques n’Avilés
13 mayu 16:46 2022 Imprimir

La conceyalía d’Igualdá d’Avilés entama una serie de visites empuestes a les distintes esposiciones artístiques que s’atopen en marcha na ciudá. Destinaes a la participación de les muyeres, la primera va tener llugar esti vienres 13 de mayu, con un percorríu por Burricaes top secret”, en compañía de l’autora, Cristina Menéndez, a les 18.00 hores nel Palaciu de Valdecarzana.

Toles visites que se van entamar son gratuites, con una duración averada de 45 minutos caúna, y nun ye necesaria inscripción previa. Les muyeres comenenciudes en participar tendrán de dirixise a los distintos puntos d’alcuentru pautados, antes del empiezu de l’actividá.

Nel casu de la primera, el puntu d’alcuentru va ser el mesmu Palaciu de Valdecarzana, na cai El Sol, 1. Una amuesa na que Cristina Menéndez, quien la conducirá, retrata al traviés de grabaos fechos en papel, la lacra de la violencia escontra les muyeres nuna sociedá que se vuelve cada vez más primitiva con al respective de elles.

La segunda nun se va desenvolver nuna esposición, sinón nel Monte Comestible, na cai José Cueto, el miércoles 18 de mayu a les 18.00 hores. Va sirvir pa dar a conocer les distintes vexetales que componen esti espaciu verde urbanu, según les actividaes que s’atopen ellí en marcha. Con puntu d’alcuentru na entrada de la Escuela Oficial d’Idiomes, la visita va ser empuesta por Jola, de los proyectos de Mocedá municipales.

El xueves 19 de mayu, a les 18.00 hores, va realizase una visita pa amosar “Alfarería tradicional d’España: muyer de folla, alfarería femenino“, nel CMAE (Llanu Ponte, 49), al pie de un grupu de 15 alumnes y alumnos de la Escuela Municipal de Cerámica. La esposición esquiza, dende’l puntu de vista de l’alfarería, la evolución de la situación de la muyer na sociedá d’España nos dos últimos sieglos. Consta de 130 vasíes vencíes tanto por museos como por coleccionistes especializaos.

La postrera de les visites programaes va tener llugar nel Muséu de la Hestoria Urbana d’Avilés, concretamente, na so Sala Permanente de Cómic, na antigua Escuela de Cerámica, el vienres 27 de mayu a les 18.00 hores. Alí atópense espuestes 60 planches orixinales de la dibuxante Purita Campos, autora de les ilustraciones de la esitosa “Esther y el so mundu”, popularizada nos años 70 y 80 del pasáu sieglu ente’l públicu infantil y xuvenil.

Calendariu de visites

  • Vienres 13 de mayu, 18.00 hores, Palaciu de Valdecarzana. “Burricaes top secret II”, de Cristina Menéndez
  • Miércoles 18 de mayu, 18.00 hores. Monte Comestible
  • Xueves 19 de mayu, 18.00 hores. CMAE. “Alfarería tradicional d’España: muyer de folla, alfarería femenino”
  • Vienres 27 de mayu, 18.00 hores. Sala Permanente de Cómic, Muséu de la Hestoria Urbana d’Avilés. “Esther y el so mundu”, de Purita Campos
  Categories: