“Igualdá, derechos y condición sexual” sedrá la tema de la Tertulia Pachín de Melás

28 febreru 05:33 2011 Imprimir

La Tertulia Pachín de Melás, sigue cola so actividá esta vegada plantegando una tertulia sobre la tema de la evolución del movimientu gai n’Asturies nos últimos tiempos p’analizar los sos llogros, fracasos y proyectos pal futuru. Pa ello vamos cuntar cola presencia de Mané Fernández y Tino Burgos que son Coordinador xeneral de Xega y Coordinador del grupu d’educación de Xega respectivamente.

Dende l’agrupación d’Unidá Nacionalista Asturiana (UNA) nel conceyu de Xixón consideren que l’apueste pola igualdá efectiva de derechos de les persones independientemente de la so orientación sexual, ye una necesidá básica pa cualquier sociedá que quiera autodenominarse democrática, y toa’l discutiniu surdíu alredor del parque 28 de xunu (Día del arguyu gai) amuesa qu’inda queda enforma por avanzar nesti campu.

La Tertulia va tener llugar nel Chigre Cantábrico (C/Muelle d’Oriente, 3. Xardinos de la Reina, Xixón), a les 20.30 hores d’esti martes 1 de marzu.

  Categories:
Loading Facebook Comments ...