Portada Cooperación Igualdá de Xixón abre’l plazu d’inscripción del programa en Femenín y Plural

Igualdá de Xixón abre’l plazu d’inscripción del programa en Femenín y Plural

by redacción asturnews

El Conceyu de Xixón, al traviés de la Oficina de Polítiques d’Igualdá y en collaboración coles Vocalías de la Muyer del movimientu vecinal del conceyu, abrió’l plazu d’inscripción del programa Femenín y Plural que se va desenvolver de forma online.

Énte la imposibilidá de realizar actividaes presenciales, esquizóse un nuevu formatu que caltien l’oxetivu d’ameyorar la calidá de vida de les muyeres y desaniciar l’aislamientu social que xenera la pandemia.

Nesi sentíu, el programa, nel so formatu dixital, contribúi a romper la fienda dixital, a afitar  conocencies en nueves tecnoloxíes y xenerar autonomía nel usu de les distintes ferramientes de comunicación.

Les participantes disponen d’un programa d’acompañamientu técnicu personalizáu que se realiza telefónicamente y que-yos facilita les pautes pa llevar a cabu la conexón y pa conocer la plataforma dixital.

Les actividaes cunten con una duración total de 16 hores, distribuyíes en 8 sesiones de 2 hores coles siguientes temátiques a desenvolver:

La resiliencia o cómo sobreponese a situaciones adverses.
Cómo xestionar el estrés y tomar decisiones intelixentes.
Entrenamientu de la memoria y los sentíos.
Les pilastres de la salú pa llevar una vida saludable.
Risoterapia.
Cuerpu activu, mente en forma…muyeres n’acción.
Encetar el falsu mitu del amor romántico y les dependencies sentimentales.
Visionar la representación de la muyer nel arte, con gafes violetes.

Les comenenciudes tienen d’inscribise primeramente nel teléfonu 985 18 16 33 o nel corréu electrónicu oficinaigualdad@gijon.es

Tamién te podria gustar