Ignaciu Llope presenta “La casa gris” en Turón

Dientro de los Alcuentros con autores del Atenéu de Turón l’escritor pixuetu Ignaciu Llope va falar del so llibru d’ensayos La casa gris (Ámbitu, 2011), esti vienres 18 de mayu, a les 19 hores.

Ignaciu Llope percuerre en “La casa gris” asuntos como’l cuadonguismu, la estroza del paisaxe tradicional o la identidá, que trescalen los artículos periodísticos axuntaos nesti volume. La poesía, la precisión y la pasión nel análisis en cada tema que se trata, faen de la llectura de caún de los artículos un exerciciu intensu abiertu al debate y a la reflexón. Y, siempre, cola raíz n’Asturies.