CineLliteratura Ideafix, el perru d’Astérix y Obélix, estrena cómic y serie d’animación by redacción asturnews 7 de setiembre, 2022 written by redacción asturnews 7 de setiembre, 2022 3,8K Sagues del cómic como les de Astérix o Mortadelo son mines nes que los sos editores esploten cada pocu nueves vetes. Y ei ye’l casu de personaxe como Ideafix, el perru de Astérix y Obélix, qu’estrena cómic y serie d’animación. Agora toca aprovechar la enorme popularidá del diminutu, fieru, simpáticu y fiel perrucu de Astérix y Obélix, que yá tien tebéu propiu y va tener la so propia serie d’animación. Va Ser, seguro, un codalosu ‘spin off’ nel qu’el níveo y diminutu can, un terrier west highland white tan irreductible como los sos amos y los habitantes de la llexendaria aldega gala, debuta con ‘Ideafix y los irreductibles. ¡Embaxo los romanos!’ (Salvat). Los guionistes Jérôme Erbin y Yves Coulon, y los dibuxantes, Jean Bastide y Philippe Fenech, crearon y van dar continuidá a esti cómic. L’acción trescurre dos años antes del alcuentru de Ideafix con Astérix y Obélix a la salida d’una charcutería de Lutecia en ‘La vuelta a la Galia de Astérix’. Afayen al llector escenarios como les catacumbes, el Palaciu de La Lloba o’l Gran Palombar. Ideafix y los sos amigos perros, gatos y aves¬– lluchen contra l’invasor romanu, que trata de romanizar la ciudá, enllazando asina l’acción colos álbumes creaos polos desaparcidos René Goscinny y Albert Uderzo. El per va protagonizar la so serie de televisión cola so panda d’amigones: la perrina Turbina, rápida y olvidadiza; el perru Devórix, llocu pola salchiches, o la gata Picarina, sogona, independiente y bien segura de sí. 0 FacebookTwitterPinterestEmail Anterior Llega la tercer edición del Festival Al Resve de Xixón siguiente Mónica Jiménez Art propón “Indispensables” nel Palaciu de Valdecarzana Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez La gala de los Goya va celebrase en...