Portada Educación IAS califica de tomadura de pelo la Universidá Popular de les cuenques

IAS califica de tomadura de pelo la Universidá Popular de les cuenques

by asturnet

Izquierda Asturiana (IAS) al través del so portavoz en Mieres, Faustino Zapico, truña contra la puesta en funcionamientu de la Universidá Popular de les cuenques, una iniciativa que la formación nacionalista califica de “tomadura de pelo” y que supón, afirmen: “favorecer otru comederu a cuenta de la escuela pública”.

Zapico espresó el refugue de la so organización a la UP de les cuenques por “la situación absurda de que dende un ente como FUCOMI, participáu pol Principáu, entame una Universidá Popular cobrando a la ciudadanía por una ufierta educativa qu’en parte solapa la ufierta de la escuela pública y gratuita”. Asina, el portavoz d’IAS señaló que “parte de los cursos que ofrez la UP , como’l de Historia d’Asturies que s’ufierta en Mieres y pol que se cobren 56 euros, ye proporcionáu gratuitamente nel Centru d’Adultos de la mesma localidá, o los cursos de Llingua Asturiana, ofrecíos en L·lena y Ayer, y polos que tamién se cobra a los usuarios 73 euros, deberíen ser ofrecís gratuitamente ya que los ayuntamientos que lo soliciten tienen una subvención de la Conseyería de Cultura”, dixo’l representante d’IAS.

A xuiciu del portavoz de la formación nacionalista: “la Universidad Popular comportóse de forma chapucera, ya que nin siquier fizo nada por enterase de cuála yera la ufierta educativa na comarca enantes de llanzar la suya”. Faustino Zapico criticó tamién “el secretismu que siguió a tol procesu, especialmente na contratación del profesoráu” asina como lo que calificó de “l’absurdo que supón gastar dinero de los fondos mineros n’ofrecer unos cursos -cobrando- iguales a otros que ya proporciona la escuela pública de forma gratuita en vez d’invertilos en xenerar actividá económica productiva, única garantía pa frenar l’éxodu demográficu nes nuestres comarcas”, afirmó’l portavoz nacionalista.

Tamién te podria gustar