I.R.A. gana la primer edición del concursu “Sones de Revolución”

El grupu I.R.A. (Insurgentes Revolucionarios Asturianos) fízose col primer premiu de “Sones de Revolución”, que tuvo llugar na sala I-Pop d’Uviéu, el pasáu 2 d’ochobre. El premiu convócase con motivu de la celebración del Día de la Mocedá Revolucionario 2010, nel qu’esti añu, per primer vegada, la organización independentista de mocedá Darréu, entamó un conciertu-concursu cola fin de promocionar a los grupos mozos asturianos y escoyer al cuartu grupu que tocará na IX edición del “Asturies Nun Escaez”.

El grupu va participar nel conciertu xunto Gatillazo, KOP y Escuela de Odio, que se celebra a lo llargo d’esti mes.

Amás d’I.R.A. participaron nel concursu Brigada, Wanye y Vinagre de Sidra. El xuráu tuvo compuestu por músicos de diferentes formaciones y miembros de Darréu.