Hunosa impulsa un títulu de FP de turismu empobináu al patrimoniu mineru

Hunosa impulsa un títulu de FP de turismu empobináu al patrimoniu mineru
30 mayu 12:06 2018 Imprimir

La Escuela de Turismu d’Asturies, dependiente de la Facultá de Turismu d’Uviéu, y el Grupu Hunosa impulsen el títulu de Formación Profesional (FP), de Técnicu Cimeru en Guía, Información y Asistencia Turística enfocáu especialmente al Patrimoniu Mineru ya Industrial.

El programa, que se va presentar na próxima Feria de Turismu Mineru ya Industrial (FETUMI), pretende formar a profesionales que puedan aprovechar les oportunidaes que ta xenerando la crecedera del turismu industrial y mineru n’Asturies y tresformales n’empléu.

Esti módulu de FP ta destináu a estudiantes que realizaren el Bachilleratu. La Facultá de Turismu y el Grupu Hunosa diseñaron el programa cuntando col respaldu de Fade, al traviés de la patronal d’Hostelería y Turismu del Principáu, de l’Asociación d’Arqueoloxía Industrial Incuna y del SOMA.

  Categories: