Portada Política Homenaxe de Darréu a les víctimes del facismu en Frieres

Homenaxe de Darréu a les víctimes del facismu en Frieres

by asturnet

Darréu celebra esti sábadu “un actu d’alcordanza y homenaxe a les víctimes del facismu d’ayeri y de güei, que dende la organización de mocedá nacionalista ententiende que ye pernecesariu pa “nun escaecer la nuesa hestoria y el sacrificiu y enfotu que punxeron los/es nuesos/es paisanos/es na llucha contra’l capital y el facismu”, señalen dende la organización”.

Manifiesten tamién que “les víctimes del franquismu siguen ensín un reconocimientu oficial y la mayoría de los familiares d’éstes siguen ensín saber el paraderu de les persones asesinaes pol facismu español”. Poro, la organización vindica “que tenemos qu’acabar con esta situación y faer un reconocimientu realmente dignu a los asturianos y les asturianes que defendieron el nuesu país inclusive cola so vida de les garres facistes”.

YPor eso, “la mocedá soberanista y revolucionario convoca a toles persones y coleutivos a los que-yos preste la iniciativa a participar nesti homenaxe. Esti actu de dignidá y alcordanza sedrá’l prósimu sábadu 28 na llocalidá llangreana de Frieres y entamará a les 13:30 hores. El llugar escoyíu ye dellau de la cancha de fúbol sala, onde s’alcuentra un monolitu n’homenaxe a los vecinos de Frieres y Los Sotos víctimes del franquismu”.

Tamién te podria gustar