Política Homenaxe d’Andecha al Conseyu Soberanu by redacción asturnews 20 d'agostu, 2015 written by redacción asturnews 20 d'agostu, 2015 62 Andecha Astur convoca, como tolos años, pa esti sábadu 22 d’agostu un Actu d’Homenaxe a la Declaración de Soberanía del Conseyu Soberanu, cola qu’Asturies s’independizó de la República Española, que va desenvolvese nel puertu de Tarna. Nel Puertu Tarna, esti sábadu 22 d’agostu, a la 1 del meudí, nel monolitu comemorativu de la Declaración de Soberanía, tendrá llugar el tradicional actu d’ homenaxe a la Declaración de Soberanía del Conseyu Soberanu “por mor de la qu’Asturies s’independizó de la República Española, entamando un auténticu procesu revolucionariu y de reconocencia a nivel internacional que defendió heróicamente coles armes frente al exércitu franquista español y los sos alliaos alemanes”, según desplica Andecha nun comunicáu. Nestos intres, “nos que’l Pueblu Asturianu caltién una dura llucha en defensa de la so identidá nacional y de los sos drechos colleutivos frente a los enfotos asimilacionistes del Estáu español y de los partíos sucursalistes afincaos n’Asturies que, seyan de drecha o izquierda, comparten un mesmu proyeutu de negación de la indentidá nacional y soberanía asturiana, Andecha Astur fai un llamamientu al conxuntu de la sociedá asturiana a recuperar aquellos valores que llevaron al Pueblu Asturianu a asumir les riendes del so propiu destín, y lo mesmo que fixeron los nuesos antepasaos, a enfotase en sofitar y costruyir alternatives propies empobinaes a algamar la recostruición nacional y social d’Asturies”. 0 FacebookTwitterPinterestEmail Anterior SUATEA esixe al Principáu qu’atienda toles reivindicaciones del profesoráu siguiente La XDLA pide que’l Día d’Asturies sía l’aniciu d’una visibilidá nueva pal idioma Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA La normalización llingüística afitase dafechu nel Parlamentu Aína entama’l cursu políticu con un actu n’Uviéu Xixón aprueba’l proyectu d’Ordenanza d’Igualdá ente Muyeres y... “La Cultura atraxo a millón y mediu d’espectadores... Marta Mori renuncia a la vicepresidencia de l’Academia... Lluz verde a la convocatoria de subvenciones pa... Xixón homenaxeó a Jean-Pierre Darmendrail pola so contribución... El Principáu impulsa’l Festival Inclusivu por la Diversidá...