Héctor Braga espubliza’l so tercer álbum “Caminos del mundu”

by asturnet | octubre 14, 2010 8:28 am

[1]

Ún de los nomes más prestixosos de la música folk d’anguaño, Héctor Braga, acaba d’espublizar el so tercer discu “Caminos del mundu”, un trabayu grabáu y producíu n’Asturies y distribuyíu por Algamar producciones. Nel discu axunta la so voz, l’harpa, la zanfona, la gaita, el vigulín, el chelu y la música d’otres escenes, como’l pop o’l jazz.

Braga ye tituláu superior en Violonchelu y Etnomusicoloxía, dominando más d’una docena d’instrumentos clásicos y tradicionales. Estrenó obres sinfóniques y trabaya tamién como productor discográficu. Tien colaborao amás con grupos y artistes como Anabel Santiago, Skanda, Hevia, Tejedor, Toli Morilla o la Orquesta Sinfónica d’Asturies, ente otros munchos.

Merca temes sueltos del discu de Braga[2]

Endnotes:
  1. [Image]: http://asturnews.com/bancofotos/fotos/2/5111.jpg
  2. Merca temes sueltos del discu de Braga: http://www.cdbaby.com/cd/hectorbraga2

Source URL: http://asturnews.com/hector-braga-espublizal-so-tercer-album-caminos-del-mundu/