Portada Conceyos «Hasta equí lleguemos», d’Antonio Fontana, algama’l Premi Café Xixón 2020

«Hasta equí lleguemos», d’Antonio Fontana, algama’l Premi Café Xixón 2020

by redacción asturnews

La novela Hasta equí lleguemos, del autor malagueñu Antonio Fontana (Málaga, 1964) resultó ganadora de la edición d’anguaño del Premio Café Xixón, que convoca’l Conceyu de Xixón con una dotación de 20.000 euros. Fontana yá fuera finalista n’este mesmu premiu en 2003 con El perdón de los pecaos.

Aconceyáu, per primer vegada telemáticamente, el xuráu compuestu por Mercedes Monmany, Rosa Regàs, Antonio Llombes, Marcos Giralt Riega y José María Guelbenzu, en calidá de presidente, decidió conceder el galardón a la novela por dos cualidaes fundamentales: «La primera ye que se trata d’una visión  tan sutil como insólita de la ancianidad; la segunda, el riesgu qu’asumió l’autor al crear un conxuntu de voces bien caracterizaes, que ruempen colos estereotipos que más circulen na nuesa sociedá y dan una perspectiva complexa, dinámica y tragicómica de dicha etapa vital».

La hestoria d’Hasta equí lleguemos centrase nun grupu de vieyes que conviven na residencia Peña Fincada, allugada nun llugar indetermináu de la provincia de Málaga. Son muyeres a les que’l tiempu váse-yos en rumiar les sos obsesiones y remembrar les vides que dexaron tras. Elles, feministes ensin sabelo, tracen una semeya despiadada de los homes, con grandes dosis d’incorreición y, sobremanera, d’humor negro, nesti modernu Decamerón nel qu’una de les residentes sume y otra empéñase en topar el so cadabre.

Fontana ye autor de cinco noveles: Sol poniente (Premio Málaga 2017), Hostal Parisien, Planu detalláu del infiernu, El perdón de los pecaos y De home a home.  Llicenciáu en Periodismu, la so trayectoria profesional tuvo amestada al diariu ABC mientres trenta años, diecinueve d’ellos como coordinador de llibros nel suplementu ABC Cultural.

El Premiu de Novela Café Xixón, que convoca’l Conceyu de Xixón, tien una dotación de 20.000 €. Dende 2007 Ediciones Siruela publica les obres ganadores del certame. Ente la so nómina de ganadores figuren nomes como César González-Ruano, Ana María Matute, Carmen Martín Gaite o Luis Mateo Díez, y más apocayá José Antonio Garriga Vela, Martín Casariego, Jesús Ferrero o José Morella, ganador del añu pasáu cola so novela West End, que va tar presente nesta edición de la Feria de Llibru de Xixón..

Tamién te podria gustar