Guns N’ Roses fai hestoria en YouTube con ‘November Rain’

30 xunetu 09:04 2018 Imprimir

La fría agua de payares paez bien alloñada col calor propio del branu, pero eso nun frenó a los fans de Guns N’ Roses pa siguir escuchando ensin parar ‘November Rain’ acaba superar la barrera de les 1.000 millones de reproducciones en YouTube.

El videoclip de la banda estadounidense, dirixíu por Andy Morahan, acaba superar la selmana pasada la barrera de les 1.000 millones de reproducciones en YouTube. Tou un finxu por ser el primera video grabáu nos años 90 que ruempe esa barrera y, tamién, ye’l primeru que lo fai naciendo antes de la esistencia de YouTube.

L’ésitu debese en gran parte al realcuentru, más de 20 años dempués, que protagonizaron los trés integrantes de la formación orixinal: Axl Rose al micrófonu, Slash a la guitarra principal y Duff McKagan marcando’l ritmu col baxu. Según la revista Forbes, mientres l’añu 2017 –cola xira ‘Not in this life’ en marcha- el videoclip promedió 560.000 reproducciones diaries. El 83% de les visites concentráronse especialmente en Llatinoamérica.

La mega producción que realizó Guns N’ Roses pa promocionar el so tercer álbum d’estudiu, ‘Use your Illusion I’, foi considerada una película a pequena escala. Inclúin escenes grabaes a fueu na memoria de los más roqueros como’l solu de guitarra de Slash fora de la capiya o Axl llorando so l’agua. Gastáronse un millón y medio de dólares de la dómina pa producir una hestoria que quedó amenorgada en 9 minutos y 16 segundos. Estrenar el 18 de febreru de 1992 y valió-yos pa ganar un prestixosu MTV Video Music Awards a la meyor cinematografía.

La hestoria narra una boda ficticia de Axl Rose con una muyer interpretada pola so novia real naquellos momentos, Stephanie Seymour-. Amuésense escenes de los momentos previos del casoriu, la entrada na ilesia de la pareya colos invitaos, el momentu del sí quiero, la fiesta… y el funeral de la novia. Too entrepolao con secuencies d’un conciertu de Guns N’ Roses con una orquesta sinfónica nel Orpheum Theatre de Los Ánxeles.

La llista del top-5 de los videoclips producíos nos 90 y con más ésitu en YouTube completase con ‘Zombie’, de Cranberries (743 millones de reproducciones); ‘Smells like teen Spirit’, de Nirvana (732 millones); ‘I will always love you’, de Whitney Houston (642 millones); ‘Wind of Change’, de Scorpions (591 millones).

A pesar de la xesta qu’acaba de realizar ‘November Rain’, entá ta bien llueñe de ránking de vídeos más vistos de YouTube. Ende predominen ésitos actuales, cola tema ‘Despacito’ de Lluis Fonsi y Daddy Yankee a la cabeza con 5.348 millones de reproducciones.

  Categories: