‘Güei sálese’ programa actividaes xuveniles variaes y ‘segures’ n’Avilés n’abril

‘Güei sálese’ programa actividaes xuveniles variaes y ‘segures’ n’Avilés n’abril
08 abril 09:45 2021 Imprimir

El proyectu del Conceyu d’Avilés d’ociu alternativu pa mozos “Güei sálese” preparó pal mes d’abril una programación na que se va dar continuidá a les actividaes semipresenciales siguiendo les midíes dictaes pol Conceyu d’Avilés, Principáu d’Asturies y el Ministeriu de Sanidá.

Va haber actividaes presenciales y online, nes que los y les moces d’Avilés puedan esfrutar d’un ociu saludable les fines de selmana, siguiendo los oxetivos plantegaos n’el mesmu proyectu d’a conceyalía de Mocedá nos sos entamos.

Talleres de maquillaxe, acuareles, fotografía, deportes y xuegos online siguen siendo’l gruesu d’esta programación que’l so oxetivu principal ye educar “en” y “al traviés de” l’ociu alternativu y el tiempu llibre de la población más nueva; concretamente d’aquellos y aquelles menores con edaes entendíes ente los 12 y los 18 años d’edá residentes n’Avilés.

Les actividaes que son presenciales van tener llugar los vienres y sábados d’abril de 17:00 a 20:00 hores nel Local Social Abiertu (C/ José Cueto, 46 baxu) y nel Edificiu Fueru (interior y esterior). El númberu de participantes va ser d’un máximu de 15 n’interior y tamién 15  n’esterior.

Pa participar ye necesariu inscribise bien de forma presencial de llunes a xueves n’horariu de 10:00 a 13:00 hores nel Local Social Abiertu; o bien al traviés de la so cuenta de Instagram hoysesaleporaviles, nel corrreo electrónicu hoysesaleporavilesgmail.com y nel teléfonu 684 64 31 17.

Toles actividaes realizar coles midíes de prevención del Covid-19 que marquen los protocolos sanitarios de cara tanto a les instalaciones como personal y participantes a les actividaes del proyectu.

Actividaes continues: Billard, Ping-pong, Diana, Videoxuegos, Xuegos de mesa, Torneos, Futbolín

Más información

  Categories: