Guayominí Producciones presenta nel CCAI de Xixón ‘Blancanieves XXI’

Guayominí Producciones presenta nel CCAI de Xixón ‘Blancanieves XXI’
22 xunetu 13:22 2020 Imprimir

La compañía Guayominí Producciones va presentar esti miércoles 22 a les 18,30 de la tarde nel Centru de Cultura Antiguu Institutu  (CCAI) de Xixón ‘Blancanieves XXI’ un propuesta de desencadarmamientu del cuentu tradicional, empobinao a neños y nun tan neños.

Un set de fotografía va ser el primer marcu que va ver l’espectador y nel que se va ver reflexáu, como la Madrasca nel espeyu. Trés personaxes fotográfiense mientres da empiezu la nuesa hestoria, una y mil vegaes recurren a xubir la so día ente día (o meyor dichu’l so segundu a segundu) a les redes sociales, como parte natural de la vida. Retratase al pie de los personaxes de la obra buscando la meyor lluz, la meyor pose, el meyor filtru, busquen más siguidores como propósitu vital.

Y van apaeciendo la miope Blancanieves, la madrasca en busca de guapura y siguidores de IG, l’inocente Pepe’l Pescador, el príncipe del reguetón o los nuesos naninos, niñxs, convertíos en Nin-nis. Canten en directu, baillen y el públicu non yá ye testigu de la hestoria sinón que tamién va participar viviegamente nella.

Asina ye  “BLANCANIEVES XXI”… Y …”COLORÍN, COLORIÁU, ESTI CUENTU ESTROCEMOS”.

  Categories: