Portada Lliteratura Grau convoca’l VII Certame de Cartes d’Amor

Grau convoca’l VII Certame de Cartes d’Amor

by asturnet

El Foru de Creación y Llectura de la Biblioteca Municipal de Grau y l’Asociación Cultural Valentín Andrés convoquen el Sétimu Certame Lliterariu de Cartes de Amor San Valentín, al que puede presentase una obra orixinal, inédita y non premiada n’otros concursos, en xéneru epistolar, sobre l’amor en cualesquier de les sos manifestaciones, bien en prosa, en versu o en dambes modalidaes, incluyendo versiones en cualesquier materialización gráfica, incluyíu’l cómic.Los testos habrán tar n’asturianu o en castellán.

Les cartes hab presentase en formatu físicu hasta’l 16 de xineru de 2012 a les 21 hores, con una estensión d’ente una y trés fueyes per una sola cara. Les obres han llevar títulu y van acompañase de los datos completos del autor (incluyíu un teléfonu de contactu), llevándose o mandándose per corréum a Biblioteca Municipal de Grau “Valentín Andrés Álvarez”, Cai Cuetu de la Muria e/n, 33820 Grau (Asturies), indicando nel sobre “Certame de Cartes d’Amor”.

L’anunciu de la carta ganadora del concursu va tener llugar el día de San Valentín de 2012, polos mesmos medios en que se convocó’l concursu. La carta ganadora va recibir como premio 150 €, un diploma acreitativu y la so publicación na revista “Las Hojas del Foro”.

http://culturagrado.blogspot.com/2011/11/vii-certamen-de-cartas-de-amor.html

Tamién te podria gustar