Gozón torna sorprendentemente un homenaxe a “les candases”

El sábadu, en Bañugues (Gozón), la Asociación de Vecinos El Pico tornó la pitición de familiares de represaliaes pa que se finxare nel cementeriu una chapina n’homenax y alcordanza de “les candases”, tres muyeres torturaes y asesinaes pel franquismu.L’alcalde socialista de Gozón dexare la decisión nes manes d’una asociación que sabe perbién que ta dirixía por una nomada militante del PP, sigún denuncien dellos vecinos, y dixo qu’él nun ye quien pa representar al pueblu, qu’eso, pa facelo llexítimamente, tien que lo facer la asociación de vecinos.Les families de les víctimes fueron humillaes dafechamente n’asamblea. La nieta d’una d’elles hubo marchar con llárimes nos güeyos pola tensión.

La FSA va estudiar les midíes llegales pa finsar la chapina. La Asociación pa la Recuperación de la Memoria Hestórica (AMRH) tamién va facer los posibles pa endrechar esti disparate. Del alcalde nun se supo más. La noticia ta cuntada pel Comercio de Xixón, pero una miguina virada pa la asociación. En realidá nun sedríen más de 30 presones y votaron la torga unos 20, de más de 300 vecinos. Güei per Bañugues ta la xente indignao. La ARMH de Xixón da cuenta de los familiares de “les candases” de Bañugues a tolos interesaos en conocer la historia.