Sociedá González Riaño sustitúi a Ana Cano na presidencia de l’ALLA by redacción asturnews 23 de xunu, 2017 written by redacción asturnews 23 de xunu, 2017 91 Ayeri, xueves 22 de xunu de 2017, llueu de fináu’l mandatu de 4 años de los cargos direutivos de l’Academia de la Llingua Asturiana, Xosé Antón González Riaño sostituyó na presidencia de la institución a Ana Cano que ya manifestare va tiempu la so decisión de nun repetir como presidenta. Tres de finar el mandatu d’anguo, esti xueves féxose’l procesu eleutoral nuna Xunta na que darréu d’ello salió escoyida la direición siguiente: -Presidente: Xosé Antón González Riaño1 -Vicepresidenta: Marta Mori d’Arriba. -Secretariu: Xosé Ramón Iglesias Cueva. -Vicesecretaria: Carme Muñiz Cachón. -Ayalgueru: Carlos Lastra López. L’anterior Presidenta, Dra. Ana María Cano González (Caderalga de Filoloxía Románica de la Universidá d’Uviéu) diere anuncia a l’ALLA va unes selmanes del so determín de nun volver presentase a la reeleición, llueu de 4 mandatos nel cargu. L’Academia de la Llingua Asturiana, nun comunicáu asoleyáu eti vienres quier sorrayar y agradecer fondamente “l’escomanáu llabor desendolcáu pola direición anterior nos ámbitos sociales y de normativización del idioma, al empar que da anuncia del so enfotu por siguir nuna xera qu’ha empobinar, ensin dulda, hacia’l llogru de la oficialidá de la llingua hestórica de tolos asturianos y asturianes”. Talamente como se diz na nota de prensa asoleyada esti día pola Academia de la Llingua, Xosé Antón González Riaño ye somedanu de xeneraciones, anque nacíu en Viella-Siero (1956), y maestru y pedagogu. Profesor Titular de la Universidá d’Uviéu, institución na que se doctoró en 1993 con una Tesis sobre la interferencia llingüística escolar ente asturianu y castellán –investigación qu’algamó’l Premiu Estraordinariu de Doctoráu–, imparte docencia nel Departamentu de Ciencies de la Educación. La so especialización docente ya investigadora xira al rodiu de la metodoloxía de la enseñanza de les llingües, el billingüismu escolar, los aspeutos sociollingüísticos y socioeducativos arreyaos a la presencia escolar de les llingües, les rellaciones ente la enseñanza llingüística y la interculturalidá, les condiciones de deprendizax de les llingües minoritaries (con especial procuru na situación del asturianu), ente otres. Acordies con esti enclín investigador, dirixó, hasta agora, 6 tesis doctorales que, en tolos casos, fueron calificaes cola máxima puntuación. Miembru de númberu de l’Academia de la Llingua Asturiana dende 1987, yera Vicepresidente de la institución y Responsable del Programa de Formación de la mesma. Al empar, foi l’entamador y direutor de la coleición académica “Estaya Pedagóxica”, onde s’espublizaron 20 volúmenes rellacionaos con anovaciones didáutiques pa la enseñanza del asturianu nos centros educativos Ye autor d’un centenar de publicaciones científiques (ente llibros, capítulos de llibros, artículos y actes de congresos). Dalgunes de les sos aportaciones espublizáronse en revistes d’impactu nel ámbitu internacional (Francia, Reinu Xuníu y Estaos Xuníos, ente otros países). En 2005 el Ministeriu d’Educación y Ciencia d’España concedió-y, xunto cola Dra. María Louzao, el Premiu Nacional d’Investigación Educativa Academia de la LLinguaAcademia de la Llingua Asturianaprofesorao asturianoUniversidá d'UviéuUniversidá de Branu 0 FacebookTwitterPinterestEmail Anterior España ye ún de los 20 países del mundu cola conexón 4G más rápida siguiente El Conceyu d’Uviéu y la Cámara de Comerciu ponen en marcha’l nuevu serviciu “Better City” dientro del programa Uviéu Entama Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII... L’ALLA abre’l plazu pa los cursos de la...