GLITCH: Nueva sección dedicada a los videoxuegos nel FICX

El Festival Internacional de Cine de Xixón estrena sección de la mano de UNEVA (Unión d’Empreses de Videoxuegos d’Asturies) y financiamientu d’Impulsa, col videoxuegu como protagonista.

Per primer vegada ponse en marcha, dientro del 54ª Edición del Festival Internacional de Cine de Xixón (FICX), la Sección Glitch, dedicada íntegramente a la industria del videoxuegu. Esta nueva sección ta entamada por UNEVA (Unión d’Empreses del Videoxuegu d’Asturies) y patrocinada por Impulsa.

La presentación d’esta novedosa iniciativa enmarcada nel FICX tuvo llugar el pasáu vienres, día 18 de payares, nes instalaciones del Parque Científicu Tecnolóxicu de Xixón. Mientres la mesma tuvieron presentes Nachu Carballo, Director del FICX, Sigrid Chànobas, Presidenta de UNEVA y Rubén Hidalgo, Director Xerente d’Impulsa.

Con esta nueva sección, búscase la unión del cine colos videjoxuegos, sectores tán íntimamente rellacionaos y qu’inclusive comparten profesionales, amás de convertir al FICX n’unu de los pioneros a nivel européu que se venceya a esta industria.

La sección GLITCH va desenvolvese ente’l 23 y el 26 de payares, y demientres la mesma realizará una esposición de cine 360 o VR (unu de los primeros eventos d’España que lo tendrá), aprovechando asina sinergias ente’l mundu del cine y del videoxuegu.A nivel de conteníos búscase, mientres estos díes, ser revolucionaria tocantes a los formatos escoyíos y les actividaes a realizar, dirixiéndoles a un públicu interesao y profesional per partes iguales.