Glenn Hughes cierra n’Avilés so minixira per España

by redacción asturnews | abril 5, 2019 11:34 am

Glenn Hughes va pesllar n’Avilés la soso minixira per España con “Performs Classic Deep Purple Live”. Va ser esti venres a les 21 hores nel Teatru Palacio Valdés.i

L’arrolladora personalidá del músicu británicu, consideráu una de les más grandes voces del rock de la hestoria, repasa’l repertoriu de la mítica banda qu’integró nos años 70 del sieglu pasáu. Termina la espera por un conciertu qu’escosó les entraes a los pocos díes de salir a la vienta yá en 2018 y que tan solo se pudo esfrutar en Madrid, Barcelona y Bilbao.

Glenn Hughes va tomar al asaltu’l Teatru Palacio Valdés, van resonar les guitarres eléctriques y l’arrolladora voz del británicu va surdir al pie de la so banda para entonar los himnos nacíos nos años 70 del pasáu sieglu n’una banda mítica de la que formó parte n’una de les sos etapes más glorioses, los Deep Purple, estandartes del rock más cañero. Va Ser a les 21 hores.

La conceyalía de Cultura asitió a Avilés como llugar de xunta y pelegrinación para lexón d’entusiastes del rock and roll. La estrella internacional Glenn Hughes atópase somorguiáu n’una xira mundial, “Performs Classic Deep Purple Live” que lu llevó de Rusia a Italia, de Finlandia a Suecia y a Estaos Xuníos, y que n’España tan solo cuntó con cuatro cites, Barcelona, Madrid, güei Bilbao y mañana Avilés, la ciudá escoyida pol músicu para l’honor de cerrar esta minigira ibérica.

Hughes, una estrella de talla mundial, una de les más grandes voces del rock de tolos tiempos, escosó les entraes del Teatru Palacio Valdés bien pocos díes dempués de la so salida a la vienta, a finales del añu pasáu. Va Repasar les temes de trés álbumes fundamentales en tola discografía de Deep Purple, grabaos cuando Hughes yera unu de los sos integrantes (lo foi ente 1973 y 1976), a la voz y al baxu: “Burn”, “Come taste the band” y “Stormbringer”.

Dellos d’esos cantares lleven la so firma, ye’l casu de “Holy Man” o “Hold On”, del discu “Stormbringer”; “Sail away”, de “Burn”, o “Gettin’ Tighter” o “You Keep on moving”, en “Come Taste the band”. Pero nun se va cinxir tan solo a elles, sinón que va repasar esos discos y va averase a dalgunos de les temes más reconocibles del hard rock de Deep Purple, como “Highway Star” o “Smoke on the water”.Anguaño va cumplir 68 Glenn Hughes, que se considera a sigo mesmu como un superviviente.

Source URL: http://asturnews.com/glenn-hughes-cierra-naviles-so-minixira-per-espana/