Portada Cine Giphy pide perdón a Disney pola retirada de los gifs de Baby Yoda

Giphy pide perdón a Disney pola retirada de los gifs de Baby Yoda

by redacción asturnews

El sitiu web pa crear y compartir GIFs ya imaxes, Giphy, pidió perdón a Disney por retirar y dempués reestablecer tolos gifs del personaxe Baby Yoda de la nueva serie ‘The Mandalorian’, un spin-off de les películes de Star Wars estrenáu’l 12 de payares en Disney+.

Tres del llanzamientu de la serie, el personaxe remembró muncha simpatía a los usuarios de les redes sociales que, dende l’estrenu, nun dexaron d’anubrir Twitter con memes y GIFs de Baby Yoda.

Pero a finales de la selmana pasada, Giphy bloquió los gifs ya imaxes del personaxe y sumieron d’Internet. Los gifs remanecieron y l aempresa emitió un comunicáu esculpándose por un tracamundiu sobro l’estáu de los derechos d’autor de les imaxes”.

Según The Guardian, Giphy aliega qu’esaniciaron los gifs temporalmente “mientres revisaben la situación de los derechos”. Pidieron esculpes tantu a Disney como a la revista Vulture, un mediu que publica colecciones de gifs y qu’informó sobro la retirada de les sos propies imaxes. Los gifs de Baby Yoda yá tán disponibles en Giphy pa cualquier usuariu dempués d’emitir el comunicáu.

El spin-off de Star Wars, creáu por Jon Favreau, cuenta col personaxe de Baby Yoda pero esti nun ye l’antiguu maestru Jedi Yoda qu’empunxo a Luke Skywalker a encomalo nes películes orixinales de Star Wars. El diminutu ser qu’apaez en ‘The Mandalorian’ llámase ‘The Child’ y ye un personaxe dafechu distintu al Jedi, anque de la mesma raza de seres con güeyos d’insectu y oreyes d’esperteyu.

Disney caltuvo de callao la esistencia d’esti personaxe hasta que se llanzó la serie a metaes de payares y dempués anunció que va llanzar una llínea de mercancía de “Baby Yoda” en Navidá.

Tamién te podria gustar