George R.R. Martin abre la so propia llibrería al llau del cine del que ye propietariu

George R.R. Martin abre la so propia llibrería al llau del cine del que ye propietariu
20 avientu 08:42 2019 Imprimir

L’escritor de los llibros qu’inspiraron la serie de televisión de Xuegu de Tronos abrió una llibrería en Santa Fe (Nuevu México), xusto al llau del cine del que tamién ye propietariu dende 2013, Jean Cocteau Cinema.

Según informó l’autor nel so blogue, la llibrería llámase Beastly Books. George R.R. Martin bautizó con esti nome al llugar porque según él, la meyor película que realizó Cocteau ye La Bella y la Bestia (Beauty and the Beast, n’inglés).

La decisión d’abrir un nuevu local onde vender llibros foi por cuenta de que numberoses vegaes realizara firmes d’exemplares na recepción del cine Jean Cocteau. Como esti espaciu habíase-yos quedáu pequeñu para la gran cantidá de fans qu’allegaben, decidieron centrase na apertura de Beastly Books.

La llibrería va poner a la disposición de los fans munchos llibros roblaos por el mesmu autor de la saga Un cantar de xelu y fueu. Pero non too son bones noticies. L’esperáu sestu llibru que sigue esta saga, The Winds of Winter , nun va tar disponible enagora. Estes noveles son les qu’inspiraron les ocho temporaes de la famosa serie Xuego de Tronos.

George R.R. Martin nun ye’l primer autor en ser el dueñu de la so propia llibrería. Dalgunos que yá lo fixeron son Ann Patchett en 2011 (Nashville, Tennessee), Judy Blume en 2016 (Key West, Florida), y Louise Erdrich (Minneapolis).

  Categories: