Genaro Alonso: “La FP Dual yá nun ye un ensayu, sinón una realidá irreversible”

El director xeneral d’Enseñances Profesionales y Aprendizaxe Permanente, Manuel Capellán, presentó recién el cuartu programa de la FP Dual, que combina 1.620 hores teóricu-práctiques nos centros educativos con mil na empresa, nun actu nel que’l Conseyeru d’Educación, Genaro Alonso, desó bien afitao que “a FP Dual yá nun ye un ensayu, sinón una realidá irreversible”.

El nuevu programa de la FP Dual va publicase nel BOPA y Educación sigue dando detalles d’un aprendizaxe qu’empezó de forma bien tibia (solo impartir dos centros en 2014, con 69 alumnos y 38 empreses collaboradores) y que les sos cifres prácticamente cuadruplicáronse. Nun momentu en que casi’l 80% de los empleos riquen una cualificación de formación profesional, el conseyeru d’Educación señaló esti día que’l compromisu del so departamentu cola FP Dual ye «claru y firme».

Pa dexar constancia d’ello, avanzó que «va haber mayor inversión n’equipamientos, pos somos sabedores de que les empreses evolucionen a un gran ritmu y, poro, los centros tienen que dir al par d’esa evolución por qu’haya una sintonía». Pero nun va ser solo un apueste material o tecnolóxica, sinón tamién de personal, pos, según señaló na rueda de prensa posterior al Conseyu de Gobiernu, «hai qu’invertir tamién na medría de personal p’aumentar la nuesa ufierta formativa, que tien que tar afecha permanentemente al sector granible. Precisamos profesoráu actualizáu».