Portada Educación Genaro Alonso desvenceya la especialidá docente de la cooficialidá

Genaro Alonso desvenceya la especialidá docente de la cooficialidá

by redacción asturnews
Genaro Alonso, Conseyeru d'Educación, Cultura y Deportes

El conseyeru d’Educación y Cultura, Genaro Alonso, retomó ayeri en Madrid les negociaciones col Gobiernu Central pa llograr la especialidá docente de Llingua Asturiana y Lliteratura y desvenceyó la especialidá docente d’asturianu de la cooficialidá.

Alonso aconceyó col secretariu d’Estáu d’Educación, Formación Profesional y Universidaes, Marcial Marín, y el director xeneral d’Evaluación y Cooperación Territorial, José Luis Blanco y negó darréu qu’esista una vinculación ente la cooficialidá del asturianu y la reconocencia de la especialidá y docente y propunxo modificar los reales decretos d’especialidaes de Primaria y Secundaria de 2008 por que les autonomíes como Asturies, con llingua propia non oficial, pero implantación curricular, puedan desenvolver la especialidá docente. Un cambéu que, según afirmó Alonso, ye «técnicamente facederu y nun invade competencies ministeriales nin topeta cola llegalidá vixente». El Principáu va caltener col Executivu Central nueves xuntes p’avanzar na negociación y el conseyeru esplicó que «el cambéu de los reales decretos ye técnicamente facederu, nun invade competencies ministeriales, nin topeta cola llegalidá vixente».

Pela so parte, el PP va preguntar al Principáu nel Plenu de la Xunta pol programa piloto anunciáu pola conseyería pa faer del asturianu la llingua vehicular en determinaes asignatures. Una esperiencia na que van participar diez colexos y que dende’l PP consideren illegal. Según la presidenta rexonal, Mercedes Fernández, esta iniciativa constitúi «un esperimentu qu’obedez a un pactu artificial nos despachos pa devolver favores pol alcuerdu de investidura» suscritu ente’l PSOE ya IX y, d’esa forma, dar calter d’oficial a la llingua asturiana al traviés d’un subterfuxu.

Na de Mercedes Fernández, «nun puede convertise el bable nuna llingua que s’utilice na enseñanza y eso ye independiente de la elección porque lo que nun ye llegal non puede escoyese, nin siquier puede sometese a la llibre elección», indicó en recordando que l’actual Llei d’usu y protección de la llingua asturiana foi aprobada por Sergio Marqués, en siendo candidatu del PP. La Conseyería recordó qu’esti programa piloto ye voluntariu y tien de cuntar col respaldu del claustru y de les de les families de los diez colexos participantes.

Tamién te podria gustar