Gaspar Llamazares visita pela nueche El Cafetón de Second Life

09 mayu 23:21 2007 Imprimir

L’avatar en Second Life del Coordinador d’IU, Gaspar Llamazares, visitó’l miércoles pela nueche El Cafetón y tuvo charrando con avatares asturianos y d’Izquierda Xunida hasta cásique les dos de la mañana.

El fechu de que Gaspar Llamazares seya’l primer políticu del Estáu con avatar en SL, xunta la presencia de Paloma Sainz con sede nel mundu virtual, amuesa nidiamente’l calter innovador asturianu, que s’afita col fechu de que la nuesa comunidá autónoma seya la segunda nel númberu de conesiones a Internet ente la xente mozo del estáu, tres de Catalunya.

Gaspar Llamazares tien dicho que visitará dacuando SL y, concretamente, el Cafetón Asturies, llugar de xuntura de munchos astures en Second Life.

Nel prau del Cafetón, onde toles nueches hai daqué de romería, hai una presencia granible de reivindicaciones pola oficialidá de la llingua asturiana, como se pue ver na foto qu’acompanga esta información.

El Cafetón en Second Life

  Categories:
Loading Facebook Comments ...