Portada Lliteratura “Gaspar a tiempo completo” repasa en cómic la vida de Gaspar García Laviana

“Gaspar a tiempo completo” repasa en cómic la vida de Gaspar García Laviana

by redacción asturnews

“Gaspar a tiempo completo”, la obra de Ruma Barbero que repasa en cómic la vida de Gaspar García Laviana foi presentada esta selmana pasada nel Ayuntamientu d’Uviéu, cuando se cumplen cuarenta años de la muerte d’este sacerdote, guerrilleru y poeta asturianu.

La conceyala d’Atención a les Persones, Marisa Ponga, presentó’l cómic “Gaspar a tiempu completu” acompañada por Ruma Barbero, l’autor; Ana Rodríguez, del Comité de Solidaridá con América Llatina (COSAL) y Javier Arjona, miembru de Soldepaz Pachacutti.

“La edición d’esti comic foi una iniciativa del Comité de Solidaridá con América Llatina (COSAL) por cuenta de celebrase agora 40 años de la muerte de Gaspar García Llaviana. El Conceyu, a pidimientu de Javier Arjona, miembru de Soldepaz Pachacutti ya internacionalista en Nicaragua nos años 80,   quixo participar nesti homenaxe al sacerdote, guerrilleru y poeta asturianu que morrió en combate en Nicaragua el 11 d’avientu de 1978 y collaboremos adquiriendo exemplares d’esta publicación para la so distribución na rede de biblioteques y entidaes comenenciudes”.

L’autor, Ruma Barberu , añedió Ponga “ye un dibuxante asturianu de cómic y músicu, llogró diversos premios como ‘El Lapiceru’ o’l premiu ‘Alfonso Iglesias’  de cómic por ‘Mazajú’ y destaca tamién pol so llabor como diseñador gráficu realizando diverses carátulas de discos asturianos o cartelos de conciertos y festivales de música. En relación cola Cooperación al Desenvolvimientu editó en 2012 “la Chelita. El Salvador 1992” una novela gráfica a partir de les vivencies y testimonios de cooperantes internacionales y veteranos de la guerrilla salvadoreña. Publicación cola que consiguió’l premiu que concede añalmente la Conxusta Malory al meyor llibro n’asturianu. Coles mesmes, foi ilustrador del llibru, ‘Semando suaños, collechando esperances’ sobro la Hestoria de Betty Ciñu que’l so fin ye reivindicar la vida de Bety y recordar lo que la animaba a lluchar polos derechos colectivos de los pueblos, pola vida y pol territoriu”.

Tamién te podria gustar