Portada Lliteratura García Oliva va falar del intelectual asturianu Don Enrique García-Rendueles

García Oliva va falar del intelectual asturianu Don Enrique García-Rendueles

by asturnet

L’investigador y escritor Vicente García Oliva va falar esti xueves, día 29, a les 8 de la tarde, nel Club de Prensa de La Nueva España en Xixón del escritor Enrique García-Rendueles. El llocal del Club ta asitiáu na Caxa Aforros y Monte de Piedá, na Plaza d’esi nome. L’actu va a presentalu María Xosé Rodríguez, responsable de la Oficina Municipal de Normalización Llingüística de Xixón.

Pa Oliva, “García-Rendueles ye un importante intelectual, non abondamente reconocíu”. L’autor cultivó l’ensayu, la crítica, la poesía y la investigación. “Pero, lo que ye quiciás ye más importante, too lo fizo dende una perspeutiva asturiana y asturianista”, esplica Oliva. Na so conferencia va esplicar como “los ensayos, sobre temes y personaxes d’equí; la crítica, a los poetes que emplegaben la llingua sólo pa coses festives o ensin importancia; la investigación sobre una gramática y un diccionariu del bable y la poesía que cultivó foi nesa mesma llingua, la nuestra”.

Vicente García Oliva lleva años estudiando la obra del intelectual xixonés y tien dellos artículos y llibros asoleyaos sobre la figura de Rendueles.

Tamién te podria gustar