García Montero pide más presupuesstu pal Institutu Cervantes

García Montero pide más presupuesstu pal Institutu Cervantes
27 xunetu 09:00 2018 Imprimir

Luis García Monteron, recién nomáu director del Institutu Cervantes, vieno acabante pedir más  presupuestu por que los profesionales de la see central y de les 60 delegaciones de los cinco continentes puean “desenvolver los munchos proyectos qu’hai”.

García Montero estrenóse nel cargu na xunta añal de los casi 70 directores del Cervantes que se celebró n’Alicante dende’l llunes. En declaraciones a los medios, el nuevu director esplicó que l’Institutu tien un grau de autofinanciación “bien fuerte”, sobremanera polos programes d’educación y certificaos de nivel d’español, que dexen xenerar “casi’l 50%”, magar lo cual “fai falta más presupuestu y hai la necesidá de pidir más dineru”. Según García Montero, “l’Institutu ye una institución importante pal Estáu” que sale “bien baratita”, lo que se reflexa en que solo “cueste a cada español poconín d’un euru al añu”.

“Paezme demagóxicu querer comparanos col British (Council) o’l Goethe porque son instituciones que vienen de principios del sieglu XX y nós llevamos pocoñinos años, dende 1991, pero na midida de les posibilidaes”, incidió. “Tenemos que dir ampliando’l presupuestu por que los profesionales tengan más sofitu  a la d’encetar los munchos proyectos qu’hai”.

Nesti sentíu, apostó por “pidir un pocu más de sofitu al Estáu”, al empar qu’esixise más en autofinanciación y, anque evitó cuantificar “una cifra porque darréu puede xenerase una desilusión o un problema”, dio a entender que la medría tendría de dir na llínea de “la xubida que va haber, seguro, nel presupuestu de too lo que tien que ver con Cooperación y Esteriores”.

Al pie de esta cuestión, García Montero reparó qu’el Cervantes cunta con “un equipu importante” de personal, tantu na so see central como nes esteriores, que trabaya “con muncha eficacia” si se dan les condiciones de “ilusión ya independencia” necesaries.