Portada Cine Future Shorts: entama la Summer season en Xixón

Future Shorts: entama la Summer season en Xixón

by redacción asturnews

El Centru de Cultura Antiguu Institutu, va acoyer nel so Salón d’actos, esti martes 7 d’agostu a les 19.30 hores la sesión estacional del consideráu «mayor festival de curtiumetraxes del mundu», pol númberu de países nel que ta presente, podrán vese seis producciones, incluyida una española.

Acceso llibre hasta completar l’aforu del salón.

YOU WILL BE FINE

Céline Devaux (Francia, 2017) | Animación | 15 min

Yá va pasar, tou supérase. Jean ta celebrando’l so cumpleaños, bebe demasiáu y ponse a pensar na fin de selmana desastrosa que condució a la rotura con Mathilde.

FLIGHT

Laura Wahda (UK, 2017) | Documental | 10 min

Curtiu documental personal sobro cómo afectó’l conflictu de Siria a la familia de la so moza directora.

EVERITHING LIVES: LOOKING AT THE ARTIST AS FATHER

Huw Wahl (UK, 2016) | Documental esperimental | 24 min

El documental amuesa cómo’l so protagonista vive y percibe el so tiempu: el tiempu nes tenaes onde trabaya, el tiempu que pasa xugando, el tiempu dedicáu a la pintura o’l tiempu que lleva construyir una vida entera.

JUST SWIMMING

Darko Vidackovic (Croacia, 2017) | Animación | 10 min

Inmersión dende la vida cotidiana escontra les agües fondes de la conciencia, escontra’l mundu de les formes eternu y puru. Ye un regresu a unu mesmu, un regresu a casa.

LOS DESHEREDAOS

Laura Ferrés (España, 2017) | Comedia | 18 min

Híbridu ente ficción y documental protagonizáu pol padre y la güela de la directora del curtiu. Amuesa los últimos díes de la empresa familiar que llevaba 40 años en funcionamientu, arruinada pola crisis.

PICTURE WORLD

Elin Övergaard (Suecia, 2017) | Drama | 13 min

A partir de la situación creada nuna sesión fotográfica de moda, la cinta convida a cavilgar sobro la esplotación nel arte, el consumu, los prexuicios, el conservadorismu y l’hipocresía latentes na nuesa sociedá.
Organizador    FMCE y UP. Centru d’Imaxe en collaboración con PIOVRA y TOMA3

Tamién te podria gustar