Furmientu sigue col so llabor a favor del asturlleonés con delles actividaes

17 05:25 2009 Imprimir

L’asociación cultural zamorana “Furmientu” va organizar les xornaes de la cultura tradicional de Zamora qu’esti añu llega a la so octava edicción, amás, l’asociación ta acabante espublizar el primer númberu de la revista “Faceira”, de calter lletrónicu y en pro de la llingua y la cultura del ámbitu asturlleonés.

En cuantes a les Xornaes, sofitaes pola Diputación Provincial de Zamora, van celebrase’l sábadu 12 d’avientu na sala de conferencies de la obra social de Caja España, na Cai San Torcuato de Zamora, coles conferencies de dellos estudiosos del dominiu llingüísticu ástur.

Xosepe Vega Rodríguez va dar llectura, a les seis, de la conferencia titulada “La moderna reivindicación de la llengua asturllionesa en Llión y Zamora”. A les siete, l’espaciu va ser pa Xosé Lluis García Arias, que va falar alredor d’“El léxico zamorano y su interés en el conjunto ástur”, con un alderique pa finar la xornada.

Descarga’l númberu 1 de Faceira

  Categories:
Loading Facebook Comments ...